TEKNIK GAMBAR MESIN

SMKN2 Bandung

      TGM nyaeta akronim ti Teknik Gambar Mesin. Teknik Gambar Mesin nyaeta jurusan anu kaasup bidang kaahlian teknik mesin. Salian ti Teknik Gambar Mesin nu kaasup kaahlian pemesinan nyaeta aya Teknik Pengelasan, Permesinan, jeung Fabrikasi Logam. Bidang kaahlian nu lainna aya informatika, jeung seni rupa. Dibagian informatika aya jurusan Teknik Komputer Jaringan, Rekaya Perangkat Lunak, Multimedia. Sedengkeun di seni rupa aya jurusan Animasi.

      Naon sih tugasna barudak TGM? di jurusan TGM urang bakal diajarkeun kumaha carana ngagambar teknik. Tah naon gambar teknik teh? Nyaeta kumaha carana urang ngagambar anu make teknik. Teknikna make standar ISO (Internasional Organization for Standardization).

      Sabagai salah sahiji alat komunikasi, gambar teknik ngandung maksud perintah-perintah atawa informasi gambar keur palaksana atawa pekerja dina lapangan. 

      Di jurusan TGM urang bakal ngagambar bagian-bagian mesin. Contona ngagambar baut, mur, shockbreaker, bor tangan, jig, jeung nu sejenna. Urang bakal ngagambar bagian-bagian mesin sacara detail. Meh bisa ditilik ti arah luhur, hareup, jeung gigir. Cara ngagambarna bisa manual, bisa oge make komputer. Lamun make cara manual, urang bakal ngagambar make alat-alat gambar jiga patlot mekanik, panggaris, panghapus, jangka, jeung loba keneh nu lainna. Sedengkeun make komputer, urang bisa make aplikasi gambar jiga AutoCad, Inventor, MasterCam, SolidWork, 3DMax, Shapr, jsb.

Di SMKN2 Kota Bandung urang bakal make aplikasi AutoCad, MasterCam, jeung inventor. Inventor nyaeta aplikasi nu gunana pikeun ngagambar desain pemesinan ku tampilan 3D langsung. Tah Lamun AutoCad nyaeta aplikasi pikeun nyieun model tina 2D ka 3D. Tah, hiji deui nyaeta MasterCam. Keur naon cik? Nyaeta aplikasi pikeun nyieun program nu bisa dijalankeun ku mesin CNC. Urang bakal ngagambar 3D heula, tuluy dijieun cara pengerjaanna kari ditransformasikeun ka bentuk program. Lengkah akhirna kari transfer file ka mesin CNC.


Disusun ku: Alfitra Rangga Permana
                       Hudan Dwi Pamungkas